„პატრიოტთა ალიანსიდან“ საქართველოს პარლამენტის წევრმა გელა მიქაძემ ბრიტანეთის სააპელაციო სასამართლოში საქმე წააგო – ამ განცხადებას კომპანია „რაკია“ ავრცელებს.
მოდავე მხარის წერილში ვკითხულობთ: “სასამართლოს გადაწყვეტილებით, დიდ ბრიტანეთში მიქაძის მფლობელობაში არსებული 42 მილიონზე მეტი დოლარის ღირებულების აქტივები გაეყინება.
ვერდიქტი მიღებულ იქნა მას შემდეგ, რაც იგი თაღლითობაში დამნაშავედ ცნეს როგორც საქართველოში, ასევე არაბთა გაერთიანებულ საემიროებში.
საქართველოს სასამართლომ მას თაღლითობით მითვისებული 951 ჰა მიწის დაბრუნება მოსთხოვა. ეს კი, ლონდონის სააპელაციო სასამართლოს გადაწყვეტილებასთან ერთად ნიშნავს, რომ მიქაძეს ამჟამად ეკისრება, როგორც სამოქალაქო, ასევე სისხლის სამართლის პასუხისმგებლობა.
განცხადებას ეხმაურება თავად გელა მიქაძე. დეპუტატი ამბობს რომ ლონდონის სააპელაციო სასამართლომ თავად "რაკიას" დააკისრა ჯარიმის სახით 600 ათასი ფუნტის გადახდა.