ალეკო ელისაშვილი დედაქალაქის მერს მიმართავს. მერობის დამოუკიდებელი კანდიდატი აცხადებს, რომ ახალი 143 ლურჯი ავტობუსიდან მხოლოდ ნაწილი მუშაობს.

ელისაშვილის მტკიცებით, მერიას 50-მდე ავტობუსი სატრანსპორტო კომპანიის ნომერ მეორე ავტობაზაზე ამ დრომდე უფუნქციოდ ჰყავს გაჩერებული.

მერიაში ელისაშვილის განცხადებას სიცრუეს უწოდებენ. ირაკლი ლექვინაძის განმარტებით, ამ დროისთვის ავტობუსების მხოლოდ ერთი - პეკინის ხაზია შეჩერებული, დანარჩენ 12 ხაზზე კი ახალი ავტობუსები მუშაობს.