2008 წლის რუსეთ-საქართველოს ომიდან 9 წელი შესრულდა. დაღუპული ქართველ მებრძოლების პატივის მისაგებად მუხათგვერდის ძმათა სასაფლაოზე მრავალეროვნული სამხედრო სწავლება „ღირსეული პარტნიორი 2017“-ის მონაწილე ქართველი და უცხოელი სამხედროები მივიდნენ და წუთიერი დუმილით პატივი მიაგეს მათ ხსოვნას. სწავლების ამერიკელმა და ქართველმა ხელმძღვანელებმა კი, გმირთა მემორიალი გვირგვინით შეამკეს.

მრავალეროვნული სამხედრო სწავლება „ღირსეული პარტნიორი 2017“ 30 ივლისს დაიწყო და 12 აგვისტოს დასრულდება.