ჩინეთში, განსუს პროვინციაში ჩამოწოლილ მეწყერს შვიდი ადამიანის სიცოცხლე ემსხვერპლა. ჩინური მედიის ინფორმაციით, კიდევ ორი ადამიანი დაკარგულად ითვლება.

უსაფრთხოების მიზნით, ქვეყნის ხელისუფლებამ სტიქიის ზონიდან ათასზე მეტი ადამიანის ევეკუაცია განახორციელა. ადგილზე სამძებრო-სამაშველო ოპერაცია ამ დრომდე გრძელდება.

მეწყრული პროცესები განვითარდა ჩინეთის სიჩუანის პროვინციაშიც, სადაც სტიქიამ ცენტრალური ავტომაგისტრალი გადაკეტა. მეწყრული ზონების გააქტიურება ჩინეთში გადაუღებელმა წვიმებმა გამოიწვია.