პარტია "ევროპული საქართველო" საოკუპაციო ხაზთან მდუმარე აქციას მართავს. სოფელ ერგნეთში პარტიის ახალგაზრდული ჯგუფი მსვლელობით მივიდა. მშვიდობიანი აქციის მონაწილეებმა მცოცავი ოკუპაცია გააპროტესტეს და წუთიერი დუმილით პატივი მიაგეს 2008 წლის ომში დაღუპულთა ხსოვნას.

"არასდროს შევეგუებით ოკუპაციას და იმ უსამართლობას, რომელიც რუსეთმა თავს მოგვახვია. აქ გადის საოკუპაციო ხაზი და ეს ხაზი ნებისმიერი პატრიოტის გულზე გადის. ჩვენც გვიწევს ბრძოლა საქართველოსთვის. ჩვენ ჩვენი წილი ბრძოლა უნდა გავიაროთ დიპლომატიურად, პოლიტიკურად, მშვიდობიანად და დარწმუნებული ვარ, ამ ბრძოლაში საქართველო იქნება წარმატებული", - განაცხადა დავით ბაქრაძემ.