ასპინძის ბრძოლის ამსახველი მონუმენტური ძეგლის გახსნით დაიწყო ასპინძაში ფოლკლორული ფესტივალი „ფუძეობა“.
ძეგლი საზეიმოდ, სამცხე-ჯავახეთისა და კახეთის გუბერნატორებმა გახსნეს. ღონისძიების სტუმრებს დღის განმავლობაში, სხვადასხვა სპორტულ და კულტურულ ღონისძიებაზე დასწრების, სახვითი და ხალხური რეწვის ნამუშევრების გამოფენებზე და სახალხო დღესასწაულისათვის სპეციალურად მოწყობილ ფაცხებში ადგილობრივი სამზარეულოს დაგემოვნების, მესხური ტრადიციებისა და ადათ-წესების გაცნობის საშუალება ჰქონდათ.
გაიმართა კონცერტი სამცხე-ჯავახეთში შემავალი მუნიციპალიტეტების ფოლკლორული და ქორეოგრაფიული ანსამბლების მონაწილეობით, დასახელდნენ ასპინძის მუნიციპალიტეტის საპატიო და ღვაწლმოსილი მოქალაქეები.
ღონისძიება დღის ბოლოს, ნიაზ დიასამიძის და ჯგუფი 33 ა-ს კონცერტით დასრულდა.