ევროსაბჭოს ხელმძღვანელი, დონალდ ტუსკი ვარშავის პროკურატურაში დაკითხვაზე გამოცხადდა. ტუსკს მოწმის სტატუსით დაკითხავენ.
პროკურატურის შენობასთან ტუსკს საკუთარი მხარდამჭერები დახვდნენ. 2010 წელს სმოლენსკში პრეზიდენტ ლეხ კაჩინსკის თვითმფრინავის ჩამოვარდნის პერიოდში დონალდ ტუსკი პოლონეთის პრემიერ-მინისტრის თანამდებობას იკავებდა.
პოლონეთის თავდაცვის მინისტრის განცხადებით, დონალდ ტუსკმა ქვეყნის ინტერესებს უღალატა, როდესაც ლეხ კაჩინსკის თვითმფრინავის ავიაკატასტროფის გამოსაძიებლად აუცილებელი ზომები არ მიიღო.
ავიაკატასტროფას 96 ადამიანი ემსხვერპლა, მათ შორის პრეზიდენტი, პირველი ლედი, არმიის შტაბის უფროსი, საგარეო საქმეთა მინისტრის მოადგილე, ცენტრალური ბანკის ხელმძღვანელი და სხვა ოფიციალური და სასულიერო პირები.