ოპოზიციის ლიდერების დაკავების გამო, მსოფლიოს საზოგადოება ვენესუელის პრეზიდენტს აკრიტიკებს. აშშ-ის თეთრი სახლის მიერ გავრცელებულ განცხადებაში ნათქვამია, რომ პრეზიდენტი, დონალდ ტრამპი ნიკოლას მადუროს დიქტატურის მოქმედებას გმობს და დაკავებული ოპოზიციონერების ჯანმრთელობასა და უსაფრთხოებაზე პასუხისმგებლობას უშუალოდ ვენესუელის პრეზიდენტს აკისრებს. აშშ-ის პრეზიდენტის ადმინისტრაციამ დაკავებულ ოპოზიციონერებს პოლიტიკური პატიმრები უწოდა.
ოპოზიციონერების მიმართ ვენესუელის ხელისუფლების მოპყრობას აკრიტიკებს გაერო-ს ადამიანის უფლებათა უმაღლესი კომისარიც და ძალის გადამეტებაში ადანაშაულებს. ვენესუელის ხელისუფლებაში ამბობენ, რომ ოპოზიციონერებმა პოლიტიკური განცხადებებით და მედიასთან კომუნიკაციით შინა პატიმრობის წესები დაარღვიეს.