სხვადასხვა დროს ჩატარებული კვლევის მიხედვით, სურსათის ეროვნულმა სააგენტომ დაადგინა, რომ სასურსათო პროდუქტების დიდ ნაწილში ტყვიის შემადგენლობა ნორმაზე მაღალია.


სპეციალისტები გადაჭარბებულ მაჩვენებელს საგანგაშოდ არ მიიჩნევენ, თუმცა პრობლემა სხვა კუთხითაც არსებობს. დღემდე ვერ დადგინდა, საიდან მოხვდა საკვებ პროდუქტებში ტყვია და შესაბამისად არ არსებობს პოლიტიკა ამ პრობლემის მოსაგვარებლად.

სპეციალისტები ხელისუფლებას ქმედითი ნაბიჯების გადადგმისკენ მოუწოდებენ.