ძალიან სამწუხაროა, რომ ადამიანის უფლებათა ევროპულმა სასამართლომ უკვე მეორედ დაგვიწუნა წარდგენილი კანდიდატები და უნდა გამოცხადდეს კონკურსი მესამედ, ეს კი იმას ნიშნავს, რომ მოსამართლეობის შესარჩევად შექმნილმა სახელისუფლებო კომისიამ არაჯეროვნად იმუშავა და ასარჩევად საპარლამენტო ასამბლეას წარუდგინეს თანამდებობისთვის შეუსაბამო კანდიდატები.

კონკურსანტების და NGO - სექტორის მხრიდან თავიდანვე არსებობდა მკვეთრად განსხვავებული აზრები ამ კომისიისგან, თავი, რომ დავანებოთ კონკურსანტების კრიტიკას, ვფიქრობ, კომისიას უნდა ეთანამშრომლა არასამთავრობო სექტორთან და ეს პრობლემები დღეს არ იარსებებდა.

დღეს ქალბატონმა წულუკიანმა ბატონ ლადო ჭანტურიას მიულოცა, რომ ასამბლეამ მოიწონა მისი კანდიდატურა, მაგრამ ეს არაფრის მთქმელია, ეს ნიშნავს იმას, რომ წარდგენილი 3 კონკურსანტიდან, მხოლოდ 1 კანდიდატი აკმაყოფილებდა კრიტერიუმებს. ანუ 2 არა ! საბოლოო ჯამში კი სია დაწუნებულია და ასამბლეა მოითხოვს ახალ სიას.

მინისტრმა ბრძანა, რომ შოთა გეწაძის კანდიდატურა დაწუნებული იქნა მისი ახალგაზრდა ასაკის გამო და 7 წლიანი სამოსამართლეო კარიერის გამო.
სოფიე ჯაფარიძესთან მიმართებით კი ბრძანა, რომ აქვს საინტერესო გამოცდილება და ცოდნა, მაგრამ ისიც ახალგაზრდაა და აქვს ხანმოკლე პროფესიული გამოცდილება.

თავად მინისტრმა ბრძანა, რომ 2009 წლის შემდეგ გამკაცრებულია წესები და თუ 8 წლის მანძილზე ეს ასეთი გამკაცრებულია, გაუგებარია, რატომ არ გაითვალისწინეს და რატომ არ წარადგინეს შესაბამისი კვალიფიკაციის, ასაკისა და შრომითი გამოცდილების მქონე კანდიდატები.


#ირაკლიღლონტი #პოლიტიკა