პოლიტიკურმა მოძრაობამ ახალი საქართველო პარტიის ქალთა ორგანიზაცია დააარსა.

პარტიის ლიდერის, გიორგი ვაშაძის განცხადებით, ორგანიზაციის მიზანი პოლიტიკაში ქალთა როლის გაზრდაა. მისი თქმით, საქართველოში არსებული გარკვეული სტერეოტიპების გამო, ქალები არსებულ პოტენციალს ვერ იყენებენ და მათ პარტიას სწორედ ამ სტერეოტიპების დამსხვრევა სურს.

ახალი საქართველოს ქალთა ორგანიზაციის თავმჯდომარის თეონა ჭალიძის განცხადებით, მათი ორგანიზაციის წევრები ქალების პრობლემების მოგვარების მიზნით სხვადასხვა აქტივობის განხორციელებას, მათ შორის საკანონმდებლო ინიციატივებზე მუშაობას გეგმავენ. ამასთან, ორგანიზაციის თავმჯდომარის თქმით, ისინი ადგილობრივი თვითმმართველობის არჩევნების პროცესში აქტიურად ჩაერთვებიან.