ქაბულში მომხდარი ტერაქტის შედეგად გარდაცვლილთა რიცხვი 35-მდე გაიზარდა. ამ ინფორმაციას სააგენტო როიტერსი ავღანეთის ხელისუფლებაზე დაყრდნობით ავრცელებს.

ქვეყნის ჯანდაცვის სამინისტროს მონაცემებით, დაშავებულია 42 ადამიანი, მათგან რამდენიმეს მდგომარეობა კრიტიკულად მძიმეა.

აფეთქება იმდენად ძლიერი იყო, რომ სამი ავტომობილი და 15 შენობა დააზიანა. ტერაქტის მოტივი სამართალდამცველებისთვის ამ ეტაპზე უცნობია.

ტერაქტზე პასუხიმგებლობა მოძრაობა თალიბანმა აიღო.