თურქეთში საპროტესტო აქციაზე 60-ზე მეტი ადამიანი დააკავეს.
დემონსტრანტები ლიტერატურის პროფესორისა და ერთ-ერთი სკოლის მასწავლებლის დაპატიმრებას აპროტესტებდნენ.
ანკარაში გამართული მიტინგის მონაწილეების პოლიციამ ცრემლსადენი აირის და წყლის ჭავლის გამოყენებით დაშალა. დაშავდა რამდენიმე ადამიანი.
პროფესორი და მასწავლებელი პოლიციამ მას შემდეგ დააკავა, რაც მათ სამსახურიდან გათავისუფლების გასაპროტესტებლად შიმშილობა გამოაცხადეს.
თურქეთში 2015 წელს მოწყობილი პუტჩის მცდელობის შემდეგ სამსახურიდან გაათავისუფლეს 150 ათასი ადამიანი, დააკავეს 50 ათასზე მეტი. მათ სახელმწიფო გადატრიალებაში მონაწილეობაში დასდეს ბრალი. თურქეთის ხელისუფლება მიიჩნევს, რომ პუტჩის ორგანიზატორი აშშ-ში მცხოვრები ოპოზიციონერი მქადაგებელი ფეტჰულა გიულენი იყო.