თბილისის ბაგა-ბაღებში ამ დროისთვის 8 ათასამდე ბავშვია რეგისტრირებული. ახალი სააღმზრდელო წლისთვის რეგისტრაციის მეორე ეტაპი დღეს 13:00 საათზე დაიწყო. მშობელთა ნაწილმა შვილების დარეგისტრირირება ვერ შეძლო ,ზოგიერთ კი შვილის არასასურველ ბაღში დარეგისტირება მოუწია.

ბაგა-ბაღების მართვის სააგენტოში ამბობენ, რომ მიმდინარე წელს თბილისს ახალი ბაღები შეემატება, ასევე იმატებს ჯგუფების რაოდენობა. სააგენტოს ხელმძღვანელის თემურ თორდინავას განცხადებით, სექტემბერში ბაღის გარეშე დარჩენილი ბავშვების საკითხს სპეციალური საბჭო განიხილავს და მათი სხვადასხვა ბაღებში გადანაწილება მოხდება. ახალი სააღმზრდელო წლისთვის რეგისტრაციის პროცესი სააგენტოს ვებგვერდ kids.org.ge ზე მიმდინარეობს.