„კახეთის ენერგოდისტრიბუციას“ მყიდველი არ გამოუჩნდა და პირველი აუქციონი ჩაიშალა. კომპანიის საწყისი ფასი 27 მილიონ 279 ათას 500 ლარი იყო.

პროცედურების მიხედვით, აღსრულების ეროვნული ბიურო განმეორებით აუქციონს გამოაცხადებს. საწყისი ფასი, სავარაუდოდ, ქონების ღირებულების (54 მილიონ 558 ათას 603 ლარის) 25 პროცენტი იქნება. ამასთან, შესაძლოა, კრედიტორთა უმრავლესობის მოთხოვნით სხვა სარეალიზაციო ფასი განისაზღვროს.

საზოგადოებრივი დაინტერესდა, მიიღებს თუ არა მონაწილეობას განმეორებით აუქციონში „ენერგო-პრო ჯორჯია“, რომელიც სხვა რეგიონების ენერგომომარაგებას ახორციელებს. კომპანიაში ამბობენ, რომ შესაბამისი გადაწყვეტილება ჯერ არ მიუღიათ.

აღსრულების ეროვნული ბიუროს ცნობით, „კახეთის ენერგოდისტრიბუციას“ 21 მილიონ ლარამდე დავალიანება აქვს.

„კახეთის ენერგოდისტრიბუცია“ 2008 წელს ლიტვურმა „ახემა ჯგუფმა“ შეიძინა. კომპანია გაკოტრების რეჟიმშია და აუქციონზე ის აღსრულების ეროვნულმა ბიურომ გაიტანა.