საკონსტიტუციო ცვლილებების პროექტზე დიალოგის დაწყება ისევ კითხვის ნიშნის ქვეშაა. მოლაპარაკებათა მაგიდასთან დასაჯდომად ოპოზიცია საკუთარ პირობას აყენებს და მთავარ მოთხოვნად მაჟორიტარული სისტემის 2020 წლის არჩევნებზე გაუქმებას ასახელებს.

გუნდში არსებული უთანხმოების გამო, საკითხის გადახედვას არ აპირებს პარლამენტის თავმჯდომარე, რომელიც ოპონენტების წინადადებს ელის და სადავო პროექტში გარკვეულ ცვლილებებს არ გამორიცხავს.

კულუარული ინფორმაციით, ერთ-ერთი კომპრომისული საკითხი შესაძლოა საარჩევნო ბლოკების აკრძალვის გაუქმება გახდეს, რაც ოპოზიციის მოთხოვნების სიაშია.