მოსკოვში მასშტაბური ხანძრის დროს 14 ადამიანი დაშავდა. ცეცხლი რუსეთის დედაქალაქის ერთ-ერთ ყველაზე მსხვილ სუპერმარკეტ „რიოში“ გაჩნდა. მეხანძრეებმა და მაშველებმა შენობიდან ათასობით ადამიანის ევაკუაცია მოახდინეს. 14 მოქალაქე საავადმყოფოშია გადაყვანილი. 4 კრიტიკულ მდგომარეობაშია. დაშავებულებს შორის ერთი მცირეწლოვანი ბავშვია. მოსკოვის ხელისუფლება არ გამორიცხავს, რომ ევაკუაციის მიუხედავად, შესაძლოა, შენობაში რამდენიმე ადამიანი კიდევ რჩებოდეს. საგანაგებო სიტუაციების სამსახურის ცნობით, ხანძარს 5 ბალიანი შკალით მეოთხე კატეგორია მიანიჭეს. ცეცხლი 1000 კვადრატული მეტრის ფართობის ტერიტორიაზე იყო მოდებული. ხანძრის გაჩენის მიზეზები ჯერ უცნობია.