ევროპული საქართველოს მერობის კანდიდატმა ელენე ხოშტარიამ პარტიის სოციალური პროგრამის პრეზენტაცია ავჭალაში გამართა.
პარტიის გეგმებს ადგილობრივები გაეცნენ, რომელთა დიდი ნაწილი სოციალურად დაუცველია და წლებია ხელისუფლებისგან დახმარებას ითხოვს.
დღესვე ევროპულმა საქართველომ თბილისელებს მაჟორიტარი კანდიდატი ბესო არველაძე წარუდგინა. პროგრამის დეტალებზე პარტიის მერობის კანდიდატმა, ელენე ხოშტარიამ და პარტიის თავმჯდომარემ, დავით ბაქრაძემ ისაუბრეს. მათი თქმით, თბილისის მერია ბიუროკრატიულ ხარჯებზე 200 მილიონამდე ლარს ხარჯავს და პოლიტიკური ნების შემთხვევაში, ამ თანხების ოპტიმალურად გამოყენებაა შესაძლებელი.