ლისის ტბაზე საზოგადოებრივი მაუწყებლის ორგანიზებით ღონისძიებები დილიდან მიმდინარეობს.
ლისზე საგანგებოდ მოწყობილი ლოკაციებია, სადაც ნებისმიერ მსურველს საშუალება აქვს გასართობ და სპორტულ აქტივობებში ჩაერთოს.
„გურმანიაში“ კულინარიულ დუელში ერთმანეთს კალათბურთელები ანატოლი ბოისა და დუდა სანაძე დაუპირისპირდნენ.
კულინარიული შეჯიბრი ფრედ დასრულდა.
საზოგადოებრივი ნებისმიერ მსურველს ლისზე ეპატიჟება და სთავაზობს ჩაერთოს გასართობ და სპორტულ აქტივობებში. კალათბურთი, ფეხბურთი, ფარიკაობა, ჭადრაკი და რაგბი, - ეს არასრული ჩამონათვალია სპორტის სახეობების, რომლის თანამონაწილეც პროფესიონალ სპორტსმენებთან ერთად გახდებით.
საზოგადოებრივი მაუწყებელი კალათბურთში ევროპის ჩემპიონატის ექსკლუზიური ჩვენებისთვის, სწორედ ასე, საზოგადოებრივი პროექტით ემზადება.