პოლონეთში მიმდინარე საერთაშორისო ტურნირის პირველი დღე ქართველი ფალავნებისთვის წარმატებული გამოდგა. ქართველმა სპორტსმენებმა 2 ოქრო მოიპოვეს.

თავისუფალი სტილით მოჭიდავეთა ნაკრების ოთხივე წევრი მედლისთვის იბრძოდა. 61კგ წონითი კატეგორიის ფინალში ოლიმპიურმა ჩემპიონმა ვლადიმერ ხინჩეგაშვილმა მოლდოველი მოწინააღდეგე 10:0 დაამარცხა და საერთაშორისო ტურნირის გამარჯვებული გახდა.

ამავე წონაში ბრინჯაოს მედალი მოიპოვა მსოფლიოს ვიცე-ჩემპიონმა ბექა ლომთაძემ, ხოლო ზურა ერბოწონაშვილმა - 74კგ-ში.