უარი მუსტაფა ემრე ჩაბუქს - ლტოლვილთა და განსახლების სამინისტრომ დემირელის კოლეჯის დაკავებულ მენეჯერს ლტოლვილის სტატუსზე უარი უთხრა.
ქართველმა სამართალდამცავებმა ჩაბუქი თურქული მხარის მოთხოვნით დააკავეს. ოფიციალური ანკარა მას ტერორისტული ორგანიზაციის წევრობას ედავება.
დაკავებულს თბილისის საქალაქო სასამართლომ წინასაექსტრადაციო პატიმრობა შეუფარდა.
მისი დაცვის მხარემ, ლტოლვილის სტატუსის მინიჭების თხოვნით, დევნილთა სამინისტროს მიმართა.
როგორც დაკავებულის ადვოკატი სოსო ბარათაშვილი აცხადებდა, მის მიერ შეგროვილი 260- გვერდიანი მასალა ადასტურებს, რომ მუსტაფა ემრე ჩაბუქს, თურქეთში ექსტრადირების შემთხვევაში, საფრთხე ემუქრება.
მუქარაზე და საფრტხეზე საუბრობს ჩაბუკის მეუღლეც. თუმცა ლტოლვილთა სამნისტროს შესაბამისმა სამსახურმა მუსტაფა ემრე ჩაბუკს ლტოლვილის სტატუსის მიღებაზე უარი უთხრა.
რა არგუმენტებით ასაბუთებს სამინისტრო ამ გადაწყვეტილებას - ქეთი ქაშაკაშვილი დეტალებით.