გარემოსა და ბუნებრივი რესურსების დაცვის სამინისტროს მხარდაჭერით და ჟურნალ OK!-ის ორგანიზებით „თბილისი გარდენსში“ მწვანე წვეულება გაიმართა. როგორც შეხვედრაზე მინისტრის პირველმა მოადგილემ სოლომონ პავლიაშვილმა განაცხადა, სამინისტრო მიესალმება მედიის, კერძო სექტორისა და სახელმწიფოს თანამშრომლობას მწვანე თემატიკის პოპულარიზაციის საქმეში და მომავალშიც დაუჭერს მხარს მსგავს აქტივობებს იმისათვის, რომ როგორც საზოგადოების, ისე ბიზნესის მაქსიმალურად დიდმა ნაწილმა გაითავისოს ეკოლოგიური პროექტების და ზოგადად ეკო ინიციატივების მნიშვნელობა ჯანსაღი გარემოს შექმნაში. ღონისძიებას მთავრობის, ბიზნესისა და შოუ ბიზნესის წარმომადგენლები ესწრებოდნენ, რომელთაც ეროვნულ საშენ მეურნეობაში გამოყვანილი ნერგები საჩუქრად გადაეცათ. ღონისძიებაზე საქართველოს დაცული ტერიტორიების შესახებ გადაღებული ფილმის ჩვენებაც გაიმართა.