საქართველოს შს სამინისტროს სამუშაო ვიზიტით გერმანიის ჩრდილოეთ რაინ-ვესტფალიის ფედერალური მიწის პოლიციის უფროსი, დელეგაციასთან ერთად ეწვია.

სტუმრებს საქართველოს შინაგან საქმეთა მინისტრი შეხვდა. მხარეებმა განსაკუთრებულად აღნიშნეს საქართველოსა და გერმანიის სამართალდამცავ სტრუქტურებს შორის არსებული თანამშრომლობა.

გიორგი მღებრიშვილმა გერმანიის ჩრდილოეთ რაინ-ვესტფალიის ფედერალური მიწის პოლიციის უფროსს საქართველოს შს სამინისტროში მიმდინარე რეფორმები, განხორციელებული პროექტები და დაგეგმილი სიახლეები გააცნო.