დემირელის კოლეჯის დაკავებული მენეჯერის ადვოკატმა დღეს ლტოლვილთა და განსახლების სამინისტროს დამატებითი დოკუმენტები წარუდგინა.
როგორც სოსო ბარათაშვილი განმარტავს, მის მიერ შეგროვილი 260- გვერდიანი მასალა ადასტურებს რომ მუსტაფა ემრე ჩაბუქს, თურქეთში ექსტრადირების შემთხვევაში საფრთხე ემუქრება.
ადვოკატი განმარტავს რომ სოზარ სუბარის უწყებისთვის მის მიერ მიწოდებულ მასალებში არის როგორც საერთაშორისო ორგანიზაციების ანგარიშები თურქულ ციხეებში არსებული მდგომარეობის შესახებ, ისე რეკომენდაციები ჩაბუქისთვის ლტოლვილის სტატუისის მინიჭების აუცილებლობაზე და თურქულ მედიაში გამოქვეყნებული სტატიები, სადაც ჩაბუქი და მისი ოჯახის წევრები ქვეყნის მტრებად არიან მოხსენიებული.
დევნილთა და განსახლების სამინისტრომ მუსტაფა ემრე ჩაბუქისთვის ლტოლვილის სტატუსის მინიჭიების თაობაზე გადაწყვეტილება 7 ივლისს უნდა მიიღოს.
პარალელურად კი, სახელმწიფო დაცვას ითხოვს ჩაბუქის მეუღლე, რომელიც ამბობს, რომ სოციალური ქსელების მეშვეობით მუქარისშემცველ გზავილებს იღებს და მის სიცოცხლეს საფრთხე ემუქრება.