სირიის ცენტრალურმა ბანკმა პრეზიდენტ ბაშარ ასადის გამოსახულებით ახალი ბანკნოტები გამოუშვა.

ამის შესახებ „ბი-ბი-სი“ წერს.

ცენტრალური ბანკის წარმომადგენლის განცხადებით, 2000 სირიული ფუნტის ნომინალის ბანკნოტის მიმოქცევაში ჩაშვება, ჯერ კიდევ რამდენიმე წლის წინ იგეგმებოდა, თუმცა ქვეყანაში შემქნილი საომარი ვითარებისა და მაღალი ინფლაციის გამო, გადაიდო.

აღსანიშნავია, რომ 1000 სირიული ფუნტის ნომინალზე, რომელიც ამ დრომდე ყველაზე მაღალ კუპიურად ითვლებოდა, ბაშარ ასადის მამა, ექსპრეზიდენტი ჰაზეფ ასადია გამოსახული, რომელიც ქვეყანას 1971 -დან 2000 წლამდე მართავდა.

2000 სირიული ფუნტი დღეისათვის, 3.9$ -ის ექვივალენტს შეადგენს.