პოლ მაკკარტნისა და კომპანია Sony-ის შორის დაწყებული რამდენიმეწლიანი დავა ორმხრივი შეთანხმებით დასრულდა. მხარეებმა ლეგენდარული ლივერპულელი ოთხეულის 80-იან წლებში შექმნილ სიმღერებზე საავტორო უფლებების საკითხზე მანჰეტენის სასამართლოში კონსენსუსს მიაღწიეს.

პოლ მაკკარტნის ადვოკატმა ამერიკულ მედიასთან ინტერვიუში დეტალები არ გაასაჯაროვა, თუმცა განმარტა, რომ ორივე მხარე არსებული შედეგით კმაყოფილია. წლების განმავლობაში მაკკარტნი The Beatles-ის 267 კომპოზიციაზე, რომლებიც გასული საუკუნის 80-იან წლებში დაიწერა, სასამართლოში საავტორო უფლებების მოპოვებას ცდილობდა. აღნიშნულ სიმღერებზე საავტორო უფლება მაიკლ ჯექსონმა მოიპოვა, მისი გარდაცვალების შემდეგ კი ჯექსონის ოჯახმა ეს უფლება კომპანია Sony-ის მიჰყიდა.