სემეკი კვლავ კრიზისის პირასაა. კომისიის სამი წევრიდან ერთ-ერთს, გოჩა შონიას უფლებამოსილების ვადა 18 აგვისტოს ეწურება.
იმისთვის, რომ მარეგულირებელმა კომისიამ გადაწყვეტილებების მიღება შეძლოს, მინიმუმ სამი წევრის ყოფნა აუცილებელია. თუმცა, უკვე რამდენიმე თვეა პრეზიდენტი, რომელმაც წევრობის კანდიდატი პარლამენტს უნდა წარუდგინოს, საკანონმდებლო და აღმასრულებელ ხელისუფლებასთან კანდიდატეზე შეთახმებას ვერ ახერხებს.
სულ სემეკში 5 წევრი უნდა მუშაობდეს, თუმცა ქვორუმისთვის 3 წევრიც საკმარისია. პარლამენტში სემეკის წევრობის კანდიდატზე დღესაც მსჯელობდნენ. იმ შემთხვევისთვის თუ მაია მელიქიძის კანდიდატურაზე შეთახმება ვერ მოხერხდება, ენერგეტიკის სამინისტრომ კრიზისის თავიდან ასაცილებლად საკანონმდებლო ცვლილება შეიმუშავა, რომლის მიხედვით, კომისიის წევრს, რომელსაც ვადა ეწურება უფლებამოსილების პერიოდი გაუხანგრძლივდება.
გადაწყვეტილების მიღება ხვალამდე უნდა მოესწროს, რადგან ხვალ საგაზაფხულო სესიის ბოლო სხდომაა.