რეკლამასთან დაკავშირებით საზოგადოებრივი მაუწყებლის მოთხოვნა, კანონმდებლობას არ ეწინააღმდეგება.

განცხადებას კომუნიკაციების მარეგულირებელი ეროვნული კომისიის ხელმძღვანელი აკეთებს. კახა ბექაურის თქმით, სარეკლამო ცვლილებების პროექტში, სიახლეები დაგეგმილია დღის ეთერში და თანაც, შეზღუდული ოდენობით. საკანონმდებლო ცვლილებები საპარლამენტო უმრავლესობის 13-მა დეპუტატმა მოამზადა.

იმის გათვალისწინებით, რომ საზოგადოებრივი მაუწყებელი რამდენიმე განსხვავებული პლატფორმის მეშვეობით მაუწყებლობს, ახალი რედაქციით ზუსტდება, რომ მან პროდუქციის არანაკლებ 25 პროცენტი დამოუკიდებელი კერძო სამართლის იურიდიული პირების მიერ მომზადებულ პროგრამებს უნდა დაუთმოს.

ცვლილებებით დამატებით განისაზღვრება საზოგადოებრივი მაუწყებლის უფლებამოსილება, რომ შინაარსობრივი ვალდებულებების შესრულების უზრუნველყოფის მიზნით, საზოგადოებრივი აზრის/აუდიტორიის კვლევა ჩაატაროს. გაწერილია სარეკლამო დროის, ასევე, პროექტით, დასაშვები ხდება, გასართობი გადაცემებისა და სერიალების სპონსორობა. საკანონმდებლო ორგანო ცვლილებებზე მსჯელობას სავარაუდოდ, რიგგარეშე ფორმატში დაიწყებს.