ამერიკული პრესა შეერთებული შტატების 2016 წლის საპრეზიდენტო არჩევნებში რუსეთის სავარაუდო,ჩარევის საქმის ახალ დეტალებს ასაჯაროებს.
„ვაშინგტონ პოსტის“ ინფორმაციით, ობამას ადმინისტრაცია მოსკოვის მხრიდან წინასაარჩევნო პროცესში ჩარევისა და ჰაკერული თავდასხმის შესახებ ინფორმირებული იყო, რისი პრევენციისთვისაც შესაბამისმა ორგანოებმა ზომები მიიღეს. რუსეთის მიზანი ჰილარი კლინტონის წინასაარჩევნო კამპანიის ჩაშლა იყო.
დონალდ ტრამპი „ვაშინგტონ პოსტს“ სოციალურ ქსელში გამოეხმაურა. პრეზიდენტი მიიჩნევს, რომ გამოძიების დაწყებიდან რამდენიმე თვის თავზე აღნიშნული ინფორმაციის გასაჯაროება კითხვებს ბადებს.
შეგახსენებთ, რომ ფედერალური ბიუროს ყოფილი დირექტორის ჯეიმს კომის თანამდებობიდან გათავისუფლებას „დემოკრატები“ არჩევნებში რუსეთის სავარაუდო ჩარევის საქმის გამოძიებას უკავშირებენ.