კიდევ ერთი უარი ავლაბრის სასახლიდან. პრეზიდენტი საკონსტიტუციო ცვლილებების პროექტის რიგგარეშე სესიაზე გატანის წინააღმდეგია.

გიორგი მარგველაშვილის უარის შემდეგ მმართველი გუნდი პარლამენტის რეგლამენტს ეყრდნობა. საკონსტიტუციო პროექტის პირველი მოსმენით განსახილველად რიგგარეშე სხდომა დიდი ალბათობით ხვალ გაიმართება.

მანამდე კი პოლიტიკური ურთიერთბრალდებები გრძელდება. პრეზიდენტი საპარლამენტო უმრავლესობას შეუთანხმებელი დოკუმენტის ნაჩქრევად დამტკიცებაში ადანაშაულებს. ამ ბრალდების მიღმა ,,ქართული ოცნება” საკონსტიტუციო პროცესის საწინააღმდეგო ნაბიჯებს ხედავს.