სტამბოლი-თბილისის რეისის მგზავრები დაახლოებით ოთხსაათნიანი შეფერხების შემდეგ, თბილისში დაბრუნდნენ.

მგზავრები საზოგადოებრივთან საუბრისას მომხდარის დეტალებს იხსენებენ. მათი ინფორმაციით, თვითმფრინავს მეხი აფრენიდან 15-20 წუთში დაეცა, რამაც მისი დაზიანება გამოიწვია.

„როგორც გვითხრეს, 80 პროცენტი იყო იმის შანსი, რომ თვითმფრინავი ჩამოვარდნილიყო“, - აცხადებენ მგზავრები.

მათივე თქმით, თვითმფრინავი უკან, ათათურქის აეროპორტში დაბრუნდა, დაახლოებით ოთხსაათიანი ლოდინის შემდეგ კი, თბილისში სხვა რეისით გამოფრინდნენ.

მგზავრების განცხადებით, ბორტზე მყოფი პირებიდან არავინ დაშავებულა.