„ამ ეტაპზე, არანაირ ინფორმაციას ვფლობ, ვინ დაიკითხა ან როგორ მიმდინარეობს გამოძიება“ - აცხადებს სახელმწიფო აუდიტის სამსახურის უფროსი ლაშა თორდია მასთან დაკავშირებულ ინციდენტზე.
თორდიას განცხადებით, ამ დრომდე დაზარალებულის სტატუსის არმინიჭების გამო, მისთვის გამოძიების დეტალები უცნობია.
ლაშა თორდიას თქმით, მან თავისი მოთხოვნები გამოძიების დაწყების პირველივე წუთებში დააყენა, თუმცა ახლა პარლამენტის გადაწყვეტილებით, გამოძიების დასრულებას ელოდება.
შეკითხვაზე, როგორი მოლოდინი აქვს გამოძიებასთან დაკავშირებით, თორდია აცხადებს, რომ მისი პოზიცია და განწყობა არ შეცვლილა და მოლოდინი კვლავ იგივე აქვს.
ლაშა თორდიას განცხადებით, 13 მაისს, გამთენიისას თავს ყოფილი მთავარი პროკურორი ოთარ ფარცხალაძე დაცვის წევრებთან ერთად ფიზიკურად გაუსწორდა. საქმეზე გამოძიება სისხლის სამართლის კოდექსის 126-ე მუხლით მიმდინარეობს, რაც ძალადობას გულისხმობს.