ბიზნესმენი, კომპანია „კიდ არქიტექტურის“ ხელმძღვანელი ნიკოლოზ შავიშვილი, რომელიც ერთი წლის წინ გაიტაცეს, აცხადებს, რომ გამტაცებლებიდან რამდენიმე სამშენებლო კომპანია „სვეტის“ დირექტორის, გივი ჯიბლაძის გამტაცებლების ჯგუფის წევრია.
"ვადასტურებ, რომ 2016 წლის 21 მაისს მე ვიყავი გატაცებული თანხის გამოძალვის მიზნით. როგორც გავიგე, ნაწილი ამ გამტაცელებისა იმ ჯგუფის წევრები არიან, ვინც გივი ჯიბლაძე გაიტაცა. გამოძიების ინტერესებიდან გამომდინარე, სხვა ინფორმაციას ამ ეტაპზე ვეღარ მოგცემთ ", - აცხადებს ნიკოლოზ შავიშვილი.
„კიდ არქიტექტურა“ კომპანია „მშენებელი 3“-ის კონტრაქტორი ფირმა იყო. მისი გატაცებაც სავარაუდოდ, ამ ორ კომპანიას შორის დავას უკავშირდება. ამ გატაცების საქმეზე შავიშვილი რამდენიმე დღის წინ გამოძიებამ დაკითხა. გასულ წელს გამოძიება მისი გატაცების საქმეზეც დაიწყო, თუმცა არავინ დაუკავებიათ.