დედოფალ ელისაბედ მეორის სამეფო სიტყვით გამოსვლა რამდენიმე დღით გადაიდო. ინფორმაციას ტელეკომპანიას BBC ქვეყნის მთავრობაზე დაყრდნობით ავრცელებს.

სიტყვით გამოსვლა 19 ივნისს იყო დაგეგმილი. ტელეკომპანია Sky News-ის ინფორმაციით, ღონისძიების გადადების ინიციატივა პრემიერ-მინისტრ ტერეზა მეის ეკუთვნის, მიზეზი კი კონსერვატიულ პარტიაში არჩევნების შემდეგ არსებული აზრთა სხვადასხვაობაა.

სიტყვით გამოსვლის ცერემონიასთან ერთად გადაიდება პარლამენტის გახსნაც. როდის დაიწყებს მუშაობას დიდი ბრიტანეთის პარლამენტი ჯერჯერობით უცნობია.