პარლამენტში საკონსტიტუციო ცვლილებების პროექტის განხილვა გრძელდება. საპარლამენტო უმრავლესობის ლიდერის განცხადებით, პლენარულ სხდომებზე დაგეგმილ განხილვებში გათვალისწინებული იქნება ვენეციის კომისიის დასკვნაც, რომელიც 16 ივნისს საქართველოს პარლამენტს ოფიციალურად გამოეგზავნება.

არჩილ თალაკვაძის თქმით, საკონსტიტუციო ცვლილებები რეგლამენტის მიხედვით ორ სხვადასხვა სესიაზე უნდა იყოს მიღებული და ეს პროცესი საგაზაფხულო და საშემოდგომო სესიების ფარგლებში გადანაწილდება.