პრეზიდენტის პოზიციები კონსტიტუციასთან მიმართებაში სუსტია არ მიკვირს, რომ ის თავს არიდებს ვენეციის კომისიის პლენარულ სხდომაში მონაწილეობის მიღებას, - ამის შესახებ საქართველოს პარლამენტის თავმჯდომარემ ირაკლი კობახიძემ განაცხადა.
როგორც ირაკლი კობახიძემ აღნიშნა, პრეზიდენტის პოზიციები კონსტიტუციასთან მიმართებაში არის უაღრესად სუსტი.
"რაც შეეხება პრეზიდენტის მონაწილეობას, ამაზე მე ინფორმირებული არ ვარ. აქედან გამომდინარე კომენტარის გაკეთება გამიჭირდება, თუმცა ერთი რამ შეიძლება ითქვას, რომ ჩვენი პოზიციები არის ძალიან მყარი, კონსტიტუციასთან მიმართებით და პრეზიდენტის პოზიციები არის უაღრესად სუსტი. ეს დადასტურდა გუშინდელ საკომიტეტო მოსმენაზეც. მე არ მიკვირს, რომ ის თავს არიდებს ვენეციის კომისიის პლენარულ სხდომაში მონაწილეობის მიღებას", - განაცხადა კობახიძემ.
ვენეციის კომისიის პლენარული სხდომა 16 ივნისს გაიმართება, სადაც საქართველოს კონსტიტუციის ახალ პროექტზე იმსჯელებენ.