მიიღებს თუ არა საქართველოში დაკავებული მუსტაფა ემრე ჩაბუკი ლტოლვილის სტატუსს - საკითხს ლტოლვილთა და განსახლების სამინისტროში სწავლობენ.
სოზარ სუბარის უწყება ჩაბუქის დაცვის მხარის მიმართვის შემდეგ შესაბამის დოკუმენტაციას ელოდება.
დემირელის სახელობის კოლეჯის მენეჯერის გათავისუფლების მოთხოვნით კი თბილისში აქციები გაიმართა.
“თავისუფლება მუსტაფა ემრე ჩაბუკს!” -ამ ლოზუნგით ჩაბუქის ოჯახის წევრები, კოლეგები და არასამთავრობო სექტორის წარმომადგენლები მთავრობის ადმინისტრაციასთან შეიკრიბნენ.
საპროტესტო აქციის მონაწილეებმა დაკავებულის გათავისუფლებასთან ერთად, მისთვის ლტოლვილის სტატუსის მინიჭებაც მოითხოვეს.
ისინი ხელისუფლებას მოუწოდებენ, არ მოხდეს ჩაბუქის გადაცემა თურქეთისთვის. აქციის მონაწილეებმა მთავრობის კანცელარიიდან პარლამენტის შენობასთან გადაინაცვლეს.
შეგახსენებთ, დემირელის კოლეჯის მენეჯერი სამართლდამცველებმა თურქული მხარის მოთხოვნით დაახლოებით ორი კვირის წინ დააკავეს.
თურქული მხარე მას ტერორისტულ ორგანიზაციასთან თანამშრომლობას ედავება. თბილისის საქალაქო სასამართლომ მას 3-თვიანი წინასაექსტრადიციო პატიმრობა შეუფარდა.