ხშირი გაცდენების გამო პარლამენტარებმა შესაძლოა დეპუტატის სტატუსი დაკარგონ. საკონსტიტუციო ცლილებების პროექტის მიხედვით, არ არის გამორიცხული, რომ ერთ სესიაზე სხდომების ნახევარზე მეტის გაცდენას კანონმდებლის უფლებამოსილების შეწყვეტა მოჰყვეს.

მსგავსი პრაქტიკა ევროკავშირის არცერთ ქვეყანაში არ მოქმედებს, თუმცა საქართველოში სწორედ ამ გზით ცდილობენ დეპუტატთა არყოფნის გამო ჩაშლილი სხდომების სტატისტიკის შემცირებას.

გაცდენების გახშირების ერთ-ერთ მიზეზად პარლამენტის რეგლამენტი და საპატიო მიზეზების ჩამონათვალი სახელდება.

ცვლილებების ამოქმედებამდე თეონა მანაგაძემ გადახედა იმ დეპუტატების სიას, რომლებიც სხდომებს ყველაზე ხშირად აცდენენ.