სან-მარინოს საბანკო კრიზისმა, შესაძლოა, მისი ეკონომიკა მთლიანად ჩამოშალოს. ქალაქ-სახელმწიფოს ცენტრალური ბანკი, მდგომარეობის გამოსასწორებლად, სან-მარინოს ექვსივე ბანკში, ლიკვიდობის გასაზრდელად, ფინანსური რესურსის მიწოდებას აპირებს, რაც საბოლოო რესტრუქტურიზაციისკენ გადადგმული პირველი ნაბიჯი იქნება.

ამასთან, სან-მარინოს მთავრობა პრობლემური აქტივებისთვის ცალკე ბანკის დაფუძნებას გეგმავს, რაც მთლიანი დავალიანების თითქმის ნახევარია. ცენტრალური ბანკის მონაცემებით, ექვსივე ბანკის კაპიტალიზაციის საჭირო მოცულობამდე აღსადგენად, 260 მილიონი ევროა საჭირო, რაც სან-მარინოს მთლიანი შიდა პროდუქტის 20 პროცენტს შეადგენს.