აზერბაიჯანელი ჟურნალისტის რეზონანსულ საქმეზე მთავარი კითხვა ისევ უპასუხოდ რჩება - როგორ აღმოჩნდა აფგან მუხტარლი თბილისიდან ბაქოში.

ოჯახის ერთადერთი მოთხოვნა საქმის დროული და სრულყოფილი გამოძიებაა.

ჟურნალისტის მეუღლეს და ადვოკატს სურთ, გასაჯაროვდეს მასალები და საქმე მთავარ პროკურატურას გადაეცეს. შესაბამისი განცხადებით უფლებადამცველი უწყებას ხვალ მიმართავს.

გამოძიების სწრაფად და გამჭვირვალედ წარმართვისკენ მოუწოდებს საქართველოს ხელისუფლებას ამერიკის შეერთებული შტატების სახელმწიფო დეპარტამენტი. აზერბაიჯანულ მხარეს კი მიმართავს, გაათავისუფლოს დაკავებული ჟურნალისტი.

აფგან მუხტარლი გადაწყვეტილებას ბაქოში, წინასწარი დაკავების იზოლატორში ელოდება.