ავღანეთში ნატო-ს ეგიდით მიმდინარე სამშვიდობო მისიაში, ქართული კონტიგენტის შემცირების შესახებ გავრცელებულ ინფორმაციას თავდაცვის სამინისტრო განცხადებით ეხმაურება, სადაც ვკითხულობთ, რომ საქართველო საერთაშორისო უსაფრთხოებაში კონტრიბუციას იმ ფორმითა და ძალების რაოდენობით განაგრძობს, როგორც ის ავღანეთში, ცენტრალური აფრიკის რესპუბლიკასა თუ მალიში ამ ეტაპზეა წარმოდგენილი.

მიმდინარე პერიოდში დღის წესრიგში რაიმე სახის ცვლილება ამ კუთხით არ დგას - საქართველო ალიანსის წინაშე აღებული ვალდებულებების ერთგული რჩება, რაც ავღანეთში ქართული სამხედრო კონტინგენტის 2018 წლის გაზაფხულის ჩათვლით კონტრიბუციას ითვალისწინებს, - წერია თავდაცვის სამინისტროს მიერ გავრცელებულ განცხადებაში.