კიდევ ორი სადავო სამშენებლო ობიექტი თბილისში. შარტავას და ოჩამჩირის ქუჩების მცხოვრებლები მათ ქუჩებზე დაგეგმილ მშენებლობებს ეწინააღმდეგებიან და სატრანსპორტო კოლაფსს პროგნოზირებენ.

დავა ასაშენებელი საცხოვრებელი კორპუსების სართულების რაოდენობას უკავშირდება. მერიიდან ორივე ქუჩაზე მრავალსართულიანი კორპუსების აშენების ნებართვაა გაცემული. და ეს იმ ფონზე, როდესაც თავად დედაქალაქის მთავრობას თბილისის ცენტრალურ და შუალედურ ზონებში K-კოეფიციენტზე შეზღუდვები აქვს დაწესებული.