თურქული კომპანიები ირანისთვის გემებს ააშენებენ. 95 მილიონი დოლარის მოცულობის გარიგებას, რომელიც ხომალდების მშენებლობასა და გაყიდვას გულისხმობს, თურქულმა და ირანულმა კომპანიებმა ხელი უკვე მოაწერეს. თურქული მედიის მიერ გავრცელებული ინფორმაციის მიხედვით, სამი თურქული კომპანია, ირანის სამხრეთ-დასავლეთ ნაწილში გემთმშენებლობით დაკავდება. გარიგების დანარჩენი დეტალები ჯერჯერობით უცნობია. თურქეთის ოფიციალური სტატისტიკით, თურქეთსა და ირანს შორის სავაჭრო ბრუნვამ 2016 წლისთვის 11 მილიარდი დოლარი შეადგინა და მხარეები ამ მაჩვენებლის 30 მილიარდ დოლარამდე გაზრდას გეგმავენ.