ამერიკელმა სენატორებმა რუსეთისთვის სანქციების გაფართოების შესახებ კანონპროექტი წარადგინეს.

ინიციატივის ავტორების განცხადებით, კანონპროექტი იმ კორუმპირებული პირების წინააღმდეგ შეზღუდვების დაწესებას ითვალისწინებს, რომელთაც ადამიანის უფლებათა დარღვევებში, სირიის მთავრობისთვის იარაღის მიწოდებასა და რუსეთის ხელისუფლების სასარგებლოდ კიბერსივრცის ბოროტად გამოყენებაში ედებათ ბრალი.

ასევე, დოკუმენტი ითვალისწინებს სანქციების დაწესებას იმ კომპანიებისთვის, რომლებიც სასარგებლო წიაღისეულის მოპოვებით არიან დაკავებული.