“კლიმატის ტექნოლოგიის ცენტრისა და ქსელის” (CTCN) რეგიონული ფორუმი გაიმართა ცენტრალური აზიისა და აღმოსავლეთ ევროპის ქვეყნებისთვის. შეხვედრის მონაწილეებს გარემოსა და ბუნებრივი რესურსების დაცვის მინისტრის მოადგილემ ეკატერინე გრიგალავამ მიმართა.
ფორუმზე რეგიონის ქვეყნებს შორის საუკეთესო პრაქტიკისა და მიღებული გამოცდილების გაზიარებაზე იმსჯელეს, ასევე განიხილეს CTCN-სა და კლიმატის მწვანე ფონდს შორის ურთიერთობის გაღრმავების საკითხები.
„კლიმატის ტექნოლოგიის ცენტრისა და ქსელის“ მიზანია განვითარებად ქვეყნებს გაუწიოს ტექნიკური დახმარება ტექნოლოგიათა ათვისების პროცესში. აგრეთვე, უზრუნველყოს ახალ ტექნოლოგიასთან დაკავშირებული საჭირო ინფორმაციისა და შესაბამისი ცოდნის ხელმისაწვდომობა.
შეხვედრაში მონაწილეობა რეგიონის ქვეყნებისა და კლიმატის მწვანე ფონდის ეროვნული უფლებამოსილი ორგანოს წარმომადგენლებმა, CTCN-ის წევრებმა, ფინანსური ინსტიტუტების და სხვა სამთავრობო უწყებების წარმომადგენლებმა მიიღეს.