ცხარე კამათის ფონზე წარიმართა პარლამენტში ტერიტორიული მთლიანობის აღდგენის დროებითი კომისიის სხდომა.

დეპუტატები ოკუპირებულ ტერიტორიებზე შექმნილ ვითარებასთან დაკავშირებით მომზადებული რეზოლუციის პროექტს განიხილავდნენ.

დოკუმენტის მხარდაჭერას არ გეგმავს დამოუკიდებელი დეპუტატი სალომე ზურაბიშვილი . პარლამენტის დიასპორის საკითხთა კომიტეტის თავმჯდომარის პირველი მოადგილე აცხადებს, რომ დოკუმენტი რეალური შედეგის მომტანი არ არის .

რეზოლუციის მიღებაში გამოსავალს ვერ ხედავს "პატრიოტთა ალიანსის" წევრი ადა მარშანიაც. რეზოლუციის პროექტის მომზადება დაგვიანებულად მიიჩნიათ ოპოზიციონერ დეპუტატებს სერგი კაპანაძესა და რომან გოცირიძესაც.