თბილისში სასტუმროებისა და ტურიზმის მენეჯმენტის საერთაშორისო უნივერსიტეტი იხსნება. ის პრესტიჟული ფრანგული ბიზნესსკოლის „ვატელის“ ეგიდით იქნება წამოდგენილი. უნივერსიტეტის პრეზენტაციას საქართველოს პრემიერ–მინისტრი დაესწრო. მისი განმარტებით, აღნიშნული პროექტი სრულ თანხვედრაშია საქართველოს მთავრობის ინიციატივასთან – „ისწავლე საქართველოში“, რომლის მიზანია საქართველო რეგიონულ საგანმანათლებლო ცენტრად იქცეს.

მისივე თქმით, განათლების სფერო უმნიშვნელოვანესი წინაპირობაა საიმისოდ, რომ საქართველოში ტურიზმი წარმატებით განვითარდეს.