როგორია სახელმწიფოს სტრატეგია ქვეყნის ფარგლებს გარეთ მცხოვრები მოქალქეების მიმართ - ამ თემაზე დიასპორის დღისადმი მიძღვნილ ფორუმზე ისაუბრეს. მონაწილეებს სიტყვით საგარეო საქმეთა მინსიტრმა, პრემიერმა და კათოლიკოს-პატრიარქმა მიმართეს.

გიორგი კვირიკაშვილმა აღნიშნა, რომ საელჩოებსა და საკონსულოებში ძლიერდება დიასპორასთან ურთიერთობის მიმართულება, რაც არსებული პრობლემების შესწავლის და მათი მოგავრების მეტ საშუალებას იძლევა.

ილია მეორემ კი საკუთარ მიმართვაში აღნიშნა, რომ ემიგრანტებს სამშობლოსთან უფრო მჭიდრო კავშირი უნდა ჰქონდეთ.

ფორუმზე წარდგენილი პროექტი საკვირაო სკოლების გაძლიერებას და ქართველი ახალგაზრდების სამშობლოში დაბრუნების გეგმას ითვალისწინებს. დიასპორის ფორუმი ხვალ დასრულდება.