ქართული საგამოძიებო უწყებები იმ მუქარისშემცველ ფოტოსაც იკვლევენ, რომელიც ამერიკელმა მკვლევარმა ტვიტერის გვერდზე გაავრცელა.

სურათზე აჭარაში მოღვაწე მუსლიმი სასულიერო პირები ჩანან. თუ ბენეტ კლიფორდს დავეყრდნობით, ფოტოს ავტორები ე.წ. ისლამური სახელმწიფოს ქართველი მხარდამჭერები არიან.

მუქარისშემცველი გზავნილი მოულოდნელი არ აღმოჩნდა მუსლიმთა სამმართველოსთვის, რის გამოც, კიდევ ერთხელ აქტიურდება თემა: არის თუ არა საქართველო მსოფლიოს ყველაზე საშიში ტერორისტული ორგანიზაციის ერთ-ერთი სამიზნე.