მთავრობის დღევანდელ სხდომაზე ჯანდაცვის მინისტრმა მთავრობას ახალი კანონპროექტი „შრომის უსაფრთხოების შესახებ“ წარუდგინა.
დავით სერგეენკოს განცხადებით, კანონპროექტში მკაფიოდ არის გაწერილი შრომის უსაფრთხოების ნორმები.
„კანონპროექტში გაწერილია, რომელ ინდუსტრიაში, რა სახის უსაფრთხოება ვრცელდება და ამ ნორმების შეუსრულებლობას რა სახის სანქციები მოყვება. ასევე, შრომის ინსპექციას ახალი შესაძლებლობები გაუჩნდება -გაფრთხილების გარეშე, გეგმიურად განახორციელოს ინსპექტირება. ამას გარდა, საფრთხის არსებობის შემთხვევაში, არაგეგმიური შემოწმებაც მოახდინოს და მათი დასკვნის შესრულება კი სავალდებულო იქნება“,- აღნიშნა მინისტრმა.
„შრომის უსაფრთხოების შესახებ“ კანონპროექტზე მთავრობის სხდომაზე იმსჯელეს, რომელიც განსახილველად უკვე პარლამენტს გადაეგზავნება.